برجك بالبحريني‏

عدد الرسائل : 105 تاريخ التسجيل : 02/01/2009

[center]20 Jan to 18 Feb
برج الخوصه:
هدا برج الخوصه اكو مبين من اسمه يعني اللي مولود في هالبرج ضعيف مضعرط ما ياكل .. او ساعات تشوفه يفكر أو ما تدري ويش اللي يفكر فيه لانه مخه ما يشتغل مشير يعني .. اللي يميز هدا البرج انه ناري أو كله يبي يتهاوش ولين يتهاوش كله مرگعينه ..
19 Feb to 20 march
برج الرسته:
صاحبه عنيف وقوي ما يهمه شي واذا جماعه طبوا عليه أيشلخهم كلهم عساهم لو فمانية انفار .. مزوح وما يحب الهدره واجد .. طيب أو على نياته ..ساعات يقصون عليه .. يعني قوي او ما فيه مخ ..

21 march to 19 april
برج الدوشگ((اللحاف)):
من اسمه امبين عليه اطبانة نوووم .. يحب الحياه ويحب يدور في سيارته (الدتسون) ويا چفة الخمة المصبنة يعني .. كريم يصرف على الموتر ازيد من يصرف على روحه .. اذا عنده دينار يشتري اليه باليس ويضرب سيارته ولا يأخذ صابون وينظف روحه ..

20 April to 20 may
برج الفانيلة المچتفة:
هدا واحد شايت الدنيه جوتي .. اكل او نوم او كوره .. كل ما تقول ليه دور شغل يقول .. ما امبي اشتغل .. بس الشي الوحيد اللي مخلنه حلو عند الناس .. انه ما يرد احد في طلب .. لكن نحيس ساعات مو واجد ..

21 may to 21 june
برج العوسج:
مواليد هدا البرج ناس اوادم طيبين حلوين .. ما فيه قرقر واجد .. يعني رجال رزين .. يقدر الحياه الزوجيه ويكره العزوبيه والعزابين .. احب اچوف كل الناس معرسين نفله .. فيه عيب واحد .. القص .. احش واجد..

22 june to 22 july
برج الباميه:
احسن برج من بين الابراج .. ليش؟ لانه واحد جنتل مان يعني كشخه وكل بدله من عند امه تلبسه اياه وابوه عنده خير ( الله يغربله هو وابوه ( أو كل يوم سياره جديده ويا الدريول عبدعلي .. بس اللي باط جبدي انه يفهم في المدرسه (خبري اللي عندهم بيزات اليك عليهم شوي ..

23 july to 22 august
برج الدفه:
صاحب او صاحبة هالبرج شغل عدل .. مكيف اربع وعشرين ساعه .. يحب يطالع المسلسلات المكسيكية .. اموت في شي اسمه السيف ياطالع ياداش يا داش يا طالع .. واجد اروح سوق الأحد اللي في عالي وسوق الخميس اللي في دوار4 .. بس ما يشتري شي .. لانه كله مفلس وعليه ديون (من فوق الله الله ومن تحت .. خرمبرم( ..

23 august to 22 sep
برج ميرندا ليمون (السترس) مشروب البحارنة:
هدا عاااااد يحب البريه ويحب يروح صوب الصفاصف يدور بلابيل .. شغلته بس يحدق اليهم .. طيب ورزين وحبَوب .. يحب من الأكل اللوبه والخبز الاسمر (طالع على العصافير ماله) .. قليل النوم .. ساعات تشوفه اتدق عليه ويصوفر ابروحه ( الله يفبت علينه العقل( ..

23 sep to 22 oct
برج السچين:
واحد دكي وغبي في نفس الوقت ( شفيها ركبها ما اعرف) .. ملول وما يطاوع احد .. ساعات يطلع بره ويا ربعه الصبيان يهاجلون شبة الشمس .. وساعات وينك يالسيكل .. يدور من محل الى محل (اتقول عاطينه قنطراز) .. الشي المميز فيه .. شعره كشه ونعاله زنوبة وكبوس حريقة عليه حرفه تعرفه من بعيد ..

23 oct to 21 nov
برج السعفه:
واحد غريب كله ضايق خلقه وبس .. ما يطلع من بيتهم .. ما يتكلم ويا احد .. ساعات اروح من صباحة الله خير يشتري خبز دبل ويقعد يزحر ويا چاي حليب .. مفلس وما يشتغل .. اهم ما يميزه انه ما يضر احد (أحسن شي يسويه) ..

22 nov to 21 dec

برج الموتر:
شخص غريب الاطوار .. لو تقعد وياه ما يعطيك لا حق ولا باطل .. يحب يلعب كورة في الرسته .. اتشوفه مبدل ويروح الحوطه يقعد اليه شوي .. يحب كل الناس .. تشوفه ساعات مفهي.. ما تدري في ويش ايفكر (من كفر عماراته الزايده يمكن) .. اهم ما يميزه انه رقيق ..>>عداااااال

22 dec to 19 jan
برج النخج و الباگلة:
هدا من اصعب الناس اللي يمكن يواجهك في حياتك .. تقوله يمين يقولك يسار .. اتقوله فوق يقولك تحت .. غربال .. نصيحه مني اذا عرفت واحد من هالبرج سوى روحك ما تشوفه واشرد بسرعه عنه لا يعديك .. لانه سمعت لك خبر انه هالايام الابراج تعدي .. وخصوصاً برج النخج والباگلة..

مشكوووووووووووووووووووووووووووووور